pal do pal

Main pal do pal ka shaayar hu, pal do pal meri kahaani hai
Pal do pal meri hasti hai, pal do pal meri jawaani hai
Main pal do pal ka shaayar hu…

Mujhse pehle kitne shaayar, aaye aur aakar chale gaye
Kuchh aahein bhar kar laut gaye, kuchh naghme gaakar chale gaye
Woh bhi ek pal ka qissa thay, main bhi ek pal ka qissa hu
Kal tumse juda ho jaaunga, woh aaj tumhaara hissa hu
Main pal do pal ka shaayar hu

Kal aur aayenge naghmo ki, khilti kaliya chun-ne waale
Mujhse behtar kehne waale, tumse behtar sun-ne waale
Kal koyi mujhko yaad kare, kyu koyi mujhko yaad kare
Mashruf zamaana mere liye, kyu waqt apna barbaad kare
Main pal do pal ka shaayar hu

Song sung by Mukesh, in the film Khabi Khabi.

My favourite part being:
Kal koyi mujhko yaad kare, kyu koyi mujhko yaad kare
Mashruf zamaana mere liye, kyu waqt apna barbaad kare